Póñense as claras a punto de neve, engádeselle o azucre e reméxese. A continuación as xemas batidas e a améndoa. Vértese nun molde, previamente engraxado, duns 30 cm. de diámetro. Métese no forno a 150º durante os cinco primeiros minutos, baixando a 120º os vintecinco minutos restantes.

Retírase do forno e desmóldase xa fría. Salfírese de azucre moído logo de colocar no medio da torta unha cruz de Santiago feita de papel.

Variantes:

É esta a torta máis estendida por toda Galicia, con pequenas variantes segundo as zonas e incluso as casas.

Hai quen a fai cunha base de masa de follado.

Hai quen mestura os ingredientes sen ningún preparado previo.

Hai quen lle engade unha copa de coñac, ou reladura de limón ou mesmo o zume, ou unha culleradiña de canela.

Hai, incluso, quen mestura na masa fariña de trigo.

Do mesmo xeito pódese face-la torta de coco cambiando a améndoa por coco moído.

© Mariano García - Fina Casalderrey, 1997