Para o corpo mestúrase moi ben a améndoa moída e o azucre. Engádeselle a augardente de herbas e déixase repousar 24 horas na neveira. Con iso teremos preparada a masa de mazapán.

Para o corazón (que é o recheo do mazapán) bátense as xemas dos ovos, prepárase un xarope de azucre con punto de bóla (punto alto) e mestúraselle ás xemas co Grand Marnier. Ponse o preparado nunha pota de cobre ó lume e férvese ben escaldado. É a crema do recheo que se deixa repousar durante 48 horas.

Para as extremidades faise unha masa de pan mesturándolle a manteiga e o zume do limón.

As rochas guardesas son bombóns acrocantados de améndoa, azucre e manteiga de vaca, ben tostados e bañados en chocolate.

Faise a forma de lagosta co mazapán poñéndolle o recheo de crema e métese ó forno moderado ata que estea dourada, logo de sacala báñase con ovo, e colócanselle as patas, previamente cocidas, adobiando por último coas rochas guardesas.

© Mariano García - Fina Casalderrey, 1997