Límpanse e sálganse os peixes partíndoos só pola metade e adóbanse co allo e o perexil. Unha vez picados a cebola e o pemento, póñense a fritir, cunhas areas de sal, ata que comece a doura-la cebola. Engádeselle o pemento doce, reméxese e déixase enfriar. Esténdese a masa sobre a empanadeira ben engraxada, procurando que quede bastante grosa e adaptándoa á forma do molde (facendo caixa). Repártese a metade da zaragallada e sobre ela colócanse os xurelos coma se estivesen enteiros (as dúas metades xuntas). Bótaselle o resto da zaragallada por riba e métese ó forno a temperatura media durante unha hora.

Suxerencia:

A esta zaragallada vaille especialmente ben uns anacos de xamón ou de touciño.

Nota:

Tivemos noticias deste xeito de facer empanada en Ferrol, en Marín e en Moraña (Pontevedra).

© Mariano García - Fina Casalderrey, 1993